Bobi Twm (cydweithiwr, a chyfaill gŵyl a gwaith, fu farw Tachwedd 1995)
Mae archoll ym mhob colli, - hen ingoedd
mewn angau eleni
fu yn fwy, ond mwy i mi
o bawb, oedd colli Bobi.
-------------------------------------------------------------
Gareth Lewis
Amdanat y mae atgo - y da was
o duedd, da Gymro;
gŵr o fri a garai fro,
a gŵr na fu ei guro.
--------------------------------------------
Ernest Jones (Awdur y gyfrol ‘Stiniog, 1988)
Yn doreth, ei hoff bethau a welir
o wawl ei ysgrifau;
hwn o hyd fu'n diwyd hau
hanesion gyda'r nosau.
--------------------------------------------------------