O, dyro dy arweiniad
i bobl drwy’r holl fyd,
mewn cyfnod o argyfwng,
i’n gwarchod ni i gyd;
mae d’angen Di, mae’n amser gwyw,
a byw mewn gobaith wnawn, ein Duw.
Trwy gredu yn ein gweddi,
a thrwy dy gariad Di,
daw atom ffydd nefolaidd
i roddi nerth i ni;
gweddïo am yr hawl i fyw,
a byw mewn gobaith wnawn, ein Duw.
Er disgwyl gwyrth yn ddyddiol
i brofi newydd wawr,
bydd hyn drwy gred a chariad
dy ddawn, waredwr mawr,
cawn weld achubiaeth dynol ryw,
a byw mewn gobaith wnawn, ein Duw.
- - - -
Emyn a ysgrifennais ar gyfer cystadleuaeth i raglen Dechrau Canu, Dechrau Canmol yn ystod cyfnod Covid.
